22 окт 09:29
Новости

Теннис

Бугун қозоғистонлик теннисчи Бельгияда бош соврин учун кортга чиқади

Бельгиянинг Антверпен шаҳрида ўтказилаётган теннис бўйича ATP турнирида иккинчи финалчининг номи ҳам маълум бўлди.

Дунёнинг 36-ракеткаси бўлиб турган Александр Бублик ярим финал учрашувида ATP рейтингида 127-поғонадан жой олган германиялик Максимилиан Мартерерни икки сетда ҳам бир хил ҳисобда мағлубиятга учратди - 6/4, 6/4.

Теннисчиларнинг ўзаро учрашувларида қозоғистонлик ракетка устаси олдинга чиқиб олди - 2:1. Саксон олти дақиқа давом этган баҳсда Бублик 12, Мартерер 1 та эйс зарбасини амалга оширган. Бугун Александр бош соврин учун финал учрашувида франциялик Артур Фисга қарши кортга чиқади.