24 сен 11:52
Новости

Бокс/ММА

Бугунги бокс оқшомининг манзили ўзгарди + ФОТО

Бугун Навоий вилоятининг Қизилтепа тумани Тўдакўл соҳилидаги "Меридиан" дам олиш масканида ўтказилиши белгиланган профессионал бокс кечаси манзили ўзгарди.

Об-ҳаво шароити ҳамда кўплаб бокс мухлисларининг фикр ва таклифларини инобатга олган ҳолда бугунги профессионал бокс кечаси "Меридиан"дан Қизилтепа тумани марказидаги "Марказий" стадионга кўчирилди.

Бироз аввал ушбу бокс оқшомига олиб борилаётган сўнгги тайёргарликни кўздан кечириш мақсадида Қизилтепа тумани ҳокими Улуғбек Файзиев ўйингоҳда бўлди. Тегишли масъуллар билан учрашувда бокс кечасини юқори савияда ташкил этиш бўйича топшириқлар берилди.

Навоий вилояти ҳамда Қизилтепа тумани ҳокими соврини учун ташкил этилаётган профессионал бокс оқшоми соат 18.00да "Марказий" стадионида бошланади.