20 мая 08:25
Новости

Бундеслигага йўлланма олган биринчи клуб номи маълум бўлди

Иккинчи Бундеслиганинг 33-тури доирасида "Дармштадт" жамоаси ўз майдонида "Магдебург"ни 1:0 ҳисобида мағлуб этди.

Шу тариқа, "Дармштадт" чемпионат тугашига бир тур қолганида Бундеслигага йўлланма олди. Аслида жамоа ўтган ҳафтадаёқ масалани ҳал қилиши мумкин эди. Бироқ улар "Ганновер"га имкониятни бой бериб қўйишганди.

Бу "Дармштадт"нинг Бундеслигадаги бешинчи мавсуми бўлади. Жамоа сўнгги марта 2017 йили лигада қатнашган ва турнирдан чиқиб кетганди. Иккинчи йўлланма учун "Хайденхайм" ва "Гамбург" жамоалари кураш олиб бормоқда.