Бухорода "Беш ташаббус олимпиадаси"нинг 4-босқичи юқори савияда ўтказилмоқда

Айни кунларда республикамиз бўйлаб, давлатимиз раҳбарининг 2022-йил 19-январдаги "Маҳаллаларда ёшлар билан ишлаш тизимини тубдан такомиллаштириш чора-тадбирлари тўғрисида"ги ПҚ–92-сон ҳамда 2022-йил 11-апрелдаги "Маҳаллаларда ёшларни оммавий спортга жалб қилишни янги босқичга олиб чиқиш чора-тадбирлари тўғрисида"ги ПҚ–201-сон қарорларида белгилаб берилган вазифаларнинг ижросини таъминлаш мақсадида туманлар миқёсида ғолиб жамоалар ўртасида "Беш ташаббус олимпиадаси" оммавий спорт мусобақаларининг ҳудудий босқичи бўлиб ўтмоқда.

Бухоро шаҳридаги "Ёшлик" спорт мажмуасида стритбол бўйича 22-26 ёшли қизлар ўртасида ҳамда Бухоро Давлат университети спорт залида волейбол бўйича 16-21, 22-26, 27-30 ёшли йигит ва қизлар ўртасида "Беш ташаббус олимпиадаси" мусобақалари юқори савияда бўлиб ўтди.

Мусобақанинг бугунги баҳсларида жами 350 нафарга яқин ёшлар иштирок этишди. Кўтаринки кайфиятда ўтган 4-босқич беллашувлари якунида Республика босқичига А, Б, C лигаларда иштирок этиш ҳуқуқини қўлга киритган жамоалар аниқланди.