23 мая 11:52
Новости

CAFA U17 Championship 2025 мусобақасига қуръа ташланди. Ўзбекистон Эрон билан бир гуруҳда

Теги : CAFA U-17

Эртага, 24 май куни Тошкентда CAFA U17 Championship 2025 мусобақаси старт олади.

Бугун ушбу мусобақанинг гуруҳ босқичига қуръа ташлаш маросими бўлиб ўтди. Унга кўра Ўзбекистон Эрон ва Қирғизистон билан бирга "А" гуруҳидан жой олди. Сергей Чигодаев бошчилигидаги Ўзбекистон ўсмирлар терма жамоаси мусобақани эртага Қирғизистонга қарши баҳс билан бошлайди. 28 май куни Эронга қарши баҳс ўтказилади.

Мусобақанинг финал учрашуви 31 май кунига белгиланган. Эслатиб ўтамиз, CAFA U17 Championship 2025 турнирининг барча ўйинлари Тошкент вилоятидаги "Дўстлик" стадионида бўлиб ўтади.