11 авг 13:21
Новости

Бокс/ММА

Чарльз Оливейра: "Яраланган шер ҳали ҳам шер"

Енгил вазн тоифасида собиқ UFC чемпиони Чарьлз Оливейра Илия Топуриядан учралган мағлубият ҳақида фикр билдирди ва навбатдаги жангига тайёргарлик ҳақида гапирди.

Бразилиялик аралаш яккакураш устаси UFC 317 турнири доирасида Илия Топурияга қарши ўтказилган чемпионлик жангининг биринчи раундидаёқ нокаутга учраганди.

"Умримда ҳеч қачон нокаутга учрамаганман. Ҳамма нарса қачондир биринчи марта бўлади. Илк бор шундай ҳолатга тушиб қолдим. Афсуски, менинг навбатим келган экан - жуда кучли рақибга муддатидан олдин ютқаздим. Уйга ғамгин, йиғлаган ва ғазабланган ҳолда қайтдим. Лекин ҳозир ҳар қачонгидан ҳам тайёрман. Сўзларимни эслаб қолинг: яраланган шер - ҳамон шер. 12 октябрь куни мен ҳикоям ҳали тугамаганини амалда исботлайман", - дея Оливейранинг сўзларини келтиради AgFight.

Маълумот учун, Чарльз Оливейра навбатдаги жангини 12 октябрь куни ўз ватани Рио-де-Жанейродаги UFC турнири доирасида озарбайжонлик Рафаэль Физиевга қарши ўтказади.