31 авг 19:35
Новости

"Челси" "Манчестер Сити" футболчисини сотиб олиш бўйича келишувга эришди

"Челси" "Манчестер Сити" ҳужумкор ярим ҳимоячиси Коул Палмер трансферини ҳал қилди.

Бу ҳақда "Sky Sports" хабар бермоқда. "Аристократлар" 21 ёшли англиялик учун 40 млн фунт тўлайди, ярим ҳимоячининг ўзи аллақачон Лондонга ўтишга рози бўлган.

Палмер асли Манчестерлик бўлиб, "Сити" тарбияланувчиси саналади. Коул "шаҳарликлар" асосий жамоасида 41 та ўйин ўтказиб, 6 та гол ва 2 та голли узатмага муаллифлик қилган, шунингдек, 6 та совринга эга чиққан. Яқинда УEФА Суперкубоги учун ўтказилган ўйинда футболчи "Севилья"га қарши ўйиннинг энг яхши футболчиси деб топилди.

Палмер "Сити" тизимида U-21 жамоалари ўртасида Европа чемпионига айланган, 105 та учрашувда "гол+пас" тизимида "48+21" натижа қайд этган.