27 мая 10:41
Новости

Чехия - 14 йиллик танаффусдан сўнг яна жаҳон чемпиони!

Чехиянинг Прага ва Острава шаҳарлари мезбонлик қилган хоккей бўйича катталар ўртасидаги жаҳон чемпионати ўз якунига етди.

Пойтахт Прага шаҳридаги "О2 Арена"да ўтган финал учрашувида Чехия терма жамоаси Швейцарияга қарши музга чиқди ва 2:0 ҳисобида ғалаба қозонди. Давид Пастрняк ва Давид Кемпф киритилган шайбаларга муаллифлик қилишди. Чехлар сўнгги бор 2010 йилда жаҳон чемпиони бўлишганди.

Жаҳон чемпионатининг бронза медали учун кечган учрашувда эса Швеция терма жамоаси эндиликда собиқ жаҳон чемпиони Канадани мағлубиятга учратди. Ўтган йили жаҳон чемпиони бўлган Канада бу сафар медалсиз қолди.

Маълумот учун, энди ҳисоб бўйича 88-жаҳон чемпионати 2025 йилда Швеция ва Дания давлатларида бўлиб ўтади.