26 мая 14:40
Новости

Чехиядаги жаҳон чемпионати якунланмасидан мухлислар ташрифи бўйича рекорд қайд этилди

Хабар берганимиздек, шу кунларда Чехия давлати хоккей бўйича катталар ўртасидаги жаҳон чемпионатига мезбонлик қилмоқда.

Эътиборлиси, жаҳон чемпионати якунланишига учта учрашув қолган бир пайтда, яъни биринчи ярим финалдан кейин мухлисларнинг аренага ташрифи бўйича рекорд янгиланди. Ҳозиргача ўтказилган 61 та учрашувга жами 754 226 томошабин (ўртача ҳар бир ўйинга 12 364) ташриф буюрган. Бу мусобақа тарихидаги рекорд кўрсаткич ҳисобланади.

Қизиқ томони, бундан аввалги рекорд ҳам айнан Чехияда ўрнатилганди. 2015 йили ушбу мамлакатда ўтган жаҳон чемпионатининг 64 та учрашувни 741 690 мухлис (ҳар бир ўйинга ўртача 11 589) бевосита аренадан томоша қилган эди.