19 авг 15:26
Новости

Бокс/ММА

Чимаев Абу-Дабидаги UFC 321 турнирида жанг қилиши ҳақидаги саволга жавоб берди

25 октябрь куни БАА пойтахти Абу-Даби шаҳрида навбатдаги рақамланган UFC турнири бўлиб ўтади.

Куни кеча Чикагодаги UFC 319 турнирининг марказий жангида эндиликда камарнинг собиқ соҳиби, Жанубий Африка Республикаси вакили Дрикус Дю Плессини яққол устунлик билан мағлубиятга учратиб, ўрта вазн чемпионига айланган Хамзат Чимаевнинг илк ҳимоя жанги кўпчиликни қизиқтирмоқда.

Асли чеченистонлик, ҳозирда БАА шарафини ҳимоя қилаётган 31 ёшли аралаш яккакураш устасининг амирлик мухлислар кўз ўнгида чемпионлик камарини ҳимоя қилиши мумкинлиги айтиляпти. Бу вазиятга Чимаевнинг ўзи ойдинлик киритди.

"Абу-Дабидаги UFC 321 турнирида октагонга чиқаманми? Кўрамиз, ҳозир кичик жароҳатим бор. Агар жароҳат жанг ўтказишимга имкон берса, нима учун йўқ?", — дея жавоб берган Хамзат.