01 сен 08:19
Новости
Бокс/ММА
Чимаевнинг менежери: "Хамзат иккита дивизионда чемпионлик камарни кўлга киритмоқчи"
Ярим ўрта вазн тоифасида UFC жангчиси Хамзат Чимаевнинг менежери Махди Шаммас жангчининг иккита дивизионда чемпионлик камарини қўлга киритиш истаги борлигини айтди.
"Биз ярим ўрта вазн тоифасида чемпионлик камарини қўлга киритиб, кейин юқори дивизионга кўтарилишни истаймиз. Иккинчи камарни қўлга киритсак, бошқа бирор нарсага ҳаракат қиламиз.
Хамзат ярим оғир ва оғир вазн тоифаларида жанг қилса ҳайрон қолмайман. Хамзат доимо улар билан машқ қилади. Шунинг учун унинг жисмоний ҳолати бунга тайёр.
У бошқа ярим ўрта вазнлиларга ўхшамайди. Спорт залида бу дивизиондан бир нечта жангчилар бор. Лекин, уларни Волкан Оздемир, Илир Латифи ёки Алекс Густафссонга қарши қўйолмайман. Лекин, Хамзат бундан мустасно" — деди Шаммас.
Эслатиб ўтамиз, 11 сентябрь куни Чимаев Лас-Вегасда, UFC 279 турнирида Нейт Диазга қарши октагонга кўтарилади.
Ссылка :
Источник : sports.ru
Комментарии