Чимаевнинг мураббийи: "Америкаликлар Кавказ йигитларига қарши жанг қилишни исташмайди"

"Шов-шув бироз пасайди, лекин биз ҳали ҳам брендни сақлаб қоляпмиз. Жангчилар Кавказ йигитларига қарши октагонга чиқишни исташмайди. Бу йигитларга минтақавий ташкилотларда рақиб топиш жуда қийин. Кўпчилик жангчи қаердан эканлигини билиб рад жавобини беради. Янги авлод жангчилари ўзларининг рекордларини қадрлашади ва таваккал қилишни хоҳлашмайди. Ҳамма жангга ғалабага ишонч билан чиқишни истайди.

Мен Штатларга келганимда, дастлабки икки йил деярли ҳар ҳафта кикбоксинг, грэпплинг ва кураш бўйича мусобақаларда қатнашардим. Бу тўғри эди, мусобақа машғулот жараёнига ўхшарди. Мағлуб бўлсанг ҳам ҳаммаси жойида эди. Заиф томонларимизни билиб, шунинг устида машқ қилар эдик. Ҳозирги авлод эса ютқазишдан қўрқади. Ҳамма жойда ижтимоий тармоқ фойдаланувчилари ва сенинг видеоларингни ҳамма кўриши мумкин. 

Улар ҳаваскор пайтида ўсиш учун барча вариантларни — сабмишен, ғалаба, мағлубият, нокдаун ва ҳоказоларни бошдан кечиришлари керак эканлигини тушунишмайди. Шундагина улар профессионал бўлганида, уларни ҳеч нарса ҳайратда қолдира олмайди. Улар аллақачон ҳар томонлама тажрибага эга бўлади", - деди Дугулубгов.