23 июл 13:00
Новости

Бокс/ММА

Даҳшат! ММАда 1 сония ичида нокаут қайд этилди (ВИДЕО)

Кеча Флоридада Titan FC 83 турнири бўлиб ўтди.

Мазкур турнир доирасида Луис Эрнандес ММА тарихидаги энг тезкор нокаутни қайд этди. У рақиби Брайан Топпни жанг бошлангандан 1 сония ўтиб нокаутга учратган.

Эрнандес чап оёғи билан рақиб бошига зарба берди, ушбу зарбадан сўнг рақиб йиқилди. Шундан сўнг Луис яна бир марта зарба беришга улгуриб қолди.

Ижтимоий тармоқларда Эрнандеснинг ушбу ҳаракати танқид остига олинди. Брайан Топп ўша вазиятда рақиб томон қўлини чўзганди. Бу жангчилар орасида ўзига хос саломлашиш ҳисобланади.

Бироқ экспертлар фикрича, Эрнандес ҳеч қандай қоидабузарликка йўл қўймаган. Лекин расмий статистикада Луиснинг нокаути учинчи сония дея қайд этилган. Чунки жанг айнан учинчи сонияда рефери томонидан тўхтатилган.