28 мар 11:35
Новости
Бокс/ММА
Дана Уайт Леон Эдвардснинг Колби Ковингтонга қарши жанг қилишдан бош тортишига муносабат билдирди
Леон Эдвардснинг Колби Ковингтонга қарши жанг қилишни истамаслиги ҳақидаги баёнотига қарамай, британиялик америкаликдан яримўрта вазнда UFC чемпионлигини ҳимоя қилишига тўғри келади.
Бу ҳақда UFC on ESPN 43 турниридан кейинги матбуот анжуманида UFC президенти Дана Уайт маълум қилди.
"Колби Ковингтон чемпионлик учун курашиш имкониятига лойиқ. Мен Леонни айбламайман, у Усманни икки марта мағлубиятга учратди. Энди у услуби ҳар қандай рақибга қийин бўлган жангчи билан тўқнаш келади.
Чемпион бўлганингиздан кейин сизни ов қилишни бошлашади. Ҳақиқий қотиллар жанг қилиш учун навбатда туришади ва сиз дивизиондаги энг хавфли рақибларга қарши октагонга кўтариласиз. Ҳамма билади, агар Усман бўлмаганида, Колби чемпион бўлар эди. У чемпионлик учун курашишга лойиқ эканлигини миллионлаб сабаблари бор", - деди Дана Уайт.
Аввалроқ, Дана Уайт бокс промоушени очишни режа қилаётганини маълум қилган эди.
Ссылка :
Источник : fighttime
Комментарии