Дана Уайт Оқ уйда ўтказиладиган UFC турнири ҳақида янги маълумотлар билан ўртоқлашди

"Оқ уйнинг Жанубий майдонида тахминан 5 минг киши бўлади. Бевосита Оқ уй ёнида катта майдон ташкил қилинади, у ерда 85 минг томошабин жангларни экран орқали кузатади. Биз саҳна қурамиз, у ерда концертлар ўтказамиз. Аслида, бир ҳафтага Вашингтонни эгаллаймиз. Ва биласизми, энг ажойиб жиҳати нимада? Жангчилар овал кабинетдан октагонга чиқишади.

Охирги марта мен Оқ уйда бўлганимда, унинг томига чиққанман ва у ерда 50 калибрли винтовкалар билан снайперлар қўйилган эди. Бу жуда ҳам ғалати эди. Лекин, ҳа, хавфсизлик жиддий муаммо бўлади, чунки охир-оқибат Секрет сервиснинг вазифаси — президентни ҳимоя қилиш. Мен эса бундан ҳайронман: агар одамлар Оқ уйнинг майдонида яшашса, бу қандай ишлайди?

Биз октагон устига арка ўрнатамиз ва унинг устида ёритиш ускуналари бўлади. Шу тариқа, орқа фон сифатида Оқ уйнинг ўзи кўринади. Камералар бурилгач эса, Вашингтон монументи намоён бўлади", — деди Уайт.