12 апр 08:37
Новости

Бокс/ММА

Дана Уайт UFC 300 турнири учун рекорд даражадаги бонусларни эълон қилди

UFC бош директори Дана Уайт UFC 300 турнири матбуот анжуманида якшанба тонгидаги бонус соҳиблари рекорд даражада пул мукофотига эга бўлишини маълум қилди.

"Тайёр, $ 300 000", – деди Уайт.

Таъкидлаш жоиз, 300 000 АҚШ доллари миқдоридаги бонус промоушен тарихидаги энг каттаси ҳисобланади. Ёрқин жанг намойиш этган иштирокчилар кафолатланган гонорарга қўшимча равишда 300 минг долларлик бонусни ҳам қўлга киритишади. Бундан аввалги энг катта бонус UFC 129 турнирида тақдим этилган бўлиб, ўшанда жангчилар 129 000 доллардан мукофот пули олишганди.

Дана Уайтни катта сумма ваъда қилишига Жастин Гэтжи ва Макс Холлоуэй сабабчи бўлиб қолди. Айнан улар ўз интервьюларида Дана Уайтдан UFC 300 турнири учун камида 100 000 доллар бонус қўйилишини талаб қилганди.