16 окт 07:43
Новости

Бокс/ММА

Дана Уайтнинг Power Slap лигасида илк бор қозоғистонлик спортчи пайдо бўлди

Қозоғистонлик спортчи Галимжан Жасиланов эндиликда Power Slap (кучли шапалоқ) лигасида иштирок этиши мумкин.

У Невада атлетлар комиссиясидан тегишли лицензияни олди.

Галимжан бунга қадар ММАда 3 та жанг ўтказиб, барчасида ғалаба қозонган. Сўнгги жангини 2023 йил июнь ойида аралаш якка курашлар қоидалари бўйича Вячеслав Дацикка қарши ўтказиб, ғолиб бўлган.

Аввалроқ, аниқроғи, 2023 йил сентябрь ойида яна бир қозоғистонлик спортчи — Закир Найманбаев ҳам Power Slap билан шартнома имзолаганини эълон қилганди, бироқ у ҳозирча бу лигадаги дебют жангини ўтказмади.