22 июл 10:51
Новости

Бокс/ММА

Даниэль Кормье Ислам Махачевнинг энг заиф жиҳатини айтди

Икки вазн тоифасида собиқ UFC чемпиони Даниэль Кормье Чарльз Оливейра ва Ислам Махачев ўртасидаги чемпионлик жангига муносабатини билдирди.

Хабарингиз бор, бу икки жангчи 22 октябрь куни БАА пойтахти Абу-Даби шаҳрида ўтказиладиган UFC 280 турнирида енгил вазнда вакант қолган камар учун октагонга кўтарилади.

"Ўйлашимча, бўлажак жангда биз кўпроқ кураш ва грепплингга гувоҳ бўламиз. Аксинча, Исламнинг Чарльзнинг йўриғига тушиб, у билан "стойка"да жанг ўтказишига ишонмайман. Агар Ислам шу йўлни танласа, у "ухлатиб" қўйилади. Чунки, Ислам зарба бўйича Чарльзга сезиларли даражада ютқазади. Махачев жангни тик турган ҳолда ўтказса, Оливейра уни қарши ҳужумда ушлаб олади ва нокаутга учратади. Ислам жангда масофани қисқартириши, тейкдаунларни амалга ошириши керак. Шунингдек, Чарльз билан унинг севимли услуби жиу-житсуда рақобатлашишига тўғри келади", - деди Кормье.