03 апр 05:38
Новости

Теннис

Даниил Медведев Майами "Мастерс" чемпиони + ФОТО

АҚШнинг Майами шаҳри мезбонлик қилган "Мастерс" сериясига кирувчи нуфузли турнир Даниил Медведевнинг ғалабаси билан якунланди.

Дунёнинг бешинчи ракеткаси бўлиб турган россиялик теннисчи ҳал қилувчи финал учрашувида ATP рейтингида 11-поғонада борган италиялик Янник Синнерни 7/5, 6/3 ҳисобида таслим этди.

Теннисчилар кортда 93 дақиқа ҳаракат қилишган. Медведев ўзаро учрашувлардаги ҳисобни янада йириклаштирди - 6:0. Майамидаги муваффақиятли иштирок Даниилга 1000 рейтинг очкоси ҳамда 1 миллион 262 минг 220 АҚШ доллари миқдорида мукофот пули келтирди. Бу россиялик теннисчи учун жорий мавсумдаги тўртинчи, фаолиятидаги 19-соврин бўлди.

Учрашув статистикаси:

Даниил Медведев - 9 та эйс, 6 та қўшхато, 4 та брейк

Янник Синнер - 6 та эйс, 0 хато, 2 та брейк