22 мая 09:28
Новости

Теннис

Даниил Медведев Рим "Мастерс" чемпиони + ФОТО

Италия пойтахти Рим шаҳрида ўтказилган "Мастерс" сериясига кирувчи нуфузли турнир Даниил Медведевнинг ғалабаси билан якунланди.

Дунёнинг учинчи ракеткаси ҳал қилувчи финал учрашувида ATP рейтингининг еттинчи поғонасида бораётган даниялик Хольгер Рунени икки сетда ҳам бир хил ҳисобда мағлубиятга учратди - 7/5, 7/5.

Россиялик теннисчи ўзаро учрашувлардаги ҳисоб мувозанатини тиклади - 1:1. Медведев 101 дақиқа давом этган баҳсда 5, Руне эса 2 та эйс зарбасини амалга оширган. Қўшхатолар сони Даниилда кўпроқ бўлди 4 га 1.

Эътиборлиси, Медведев фаолиятида илк бор грунт қопламали турнирда бош совринни қўлга киритди. Бу унинг фаолиятидаги 20, "Мастерс"лардаги олтинчи соврини бўлди.

Даниил Римдаги муваффақиятли иштирокидан 1000 рейтинг очкоси ҳамда 1,105,265 евро мукофот пули ишлаб олди. Руне эса 600 очко ва 580,000 еврога эга бўлди.