Дарья Железнякова: "Эртага энг катта гонораримни оламану қарзимга тўлайман"

UFC on ESPN 54 турнири доирасида россиялик мафтункор аралаш яккакураш устаси Дарья Железнякова ҳам октагонга кўтарилади. Монтсеррат Рендонга қарши баҳс Даша учун UFC промоушенидаги илк жанг бўлади.

"Бу ерда ҳаммаси ажойиб. Менга тўлиқ экипировкалар тўпламини тақдим этишди. Еб-ичиш ҳам аъло даражада. Диета масаласида тажрибали мутахассислардан маслаҳат олдим. Зўр шароитларда машғулот ўтказдим. Шундан келиб чиқиб айтишим мумкинки, Америкада аралаш яккакураш умуман бошқа даражада. Молиявий томонига келсак, бу мен учун фаолиятимдаги энг катта гонорар бўлади. Аммо менинг молиявий ҳолатим яхши эмас. Узоқ муддатдан кейин октагонга қайтяпман. Шу боисдан ҳам гонорарим тўлиқ қарзларни ёпиш учун сарфланади. Бу ҳамма спортчиларнинг классик тарихи", — деди Железнякова.