27 апр 11:40
Новости

Теннис

Дарья Касаткина Мадрид WTA 1000 турнири учинчи босқичига чиқди

Испаниянинг Мадрид шаҳрида ўтказилаётган теннис бўйича WTA 1000 тоифасига кирувчи нуфузли турнирда учинчи давра иштирокчилари маълум бўлди.

Дунёнинг 11-ракеткаси бўлиб турган Дарья Касаткина иккинчи даврада қийин ғалабага эришди. Россиялик теннис маликаси WTA рейтингида 75-поғонада бораётган мезбонлар вакиласи Кристина Букшани уч сет натижасига кўра таслим этди - 5/7, 7/6(5), 6/3.

Теннисчиларнинг ўзаро илк учрашуви 2 соату 32 дақиқа давом этди. Касаткина ҳам, Букша ҳам бу баҳсда эйс зарбасини амалга ошира олмаган. Иккала теннисчи ҳам 10 тадан брейкка эришгани эътиборга молик ҳолат. Қўшхатолар Дарьяда уч баробар кўпроқ бўлди - 6 га 2!Энди Касаткина учинчи даврада ватандоши Анастасия Павлюченковага қарши кортга чиқади.