Дастин Порье муваффақиятли операция қилинди

Бу ҳақда америкалик жангчининг рафиқаси ижтимоий тармоқлардаги саҳифасида маълум қилди.

"Дастиннинг оёғи ҳақида сўраганлар учун... Унда оғир стафилокок инфекция бор. Антибиотиклар унга ёрдам бермади, у юра олмади. Якшанба куни биз тез ёрдамда шифохонага келдик. Чоршанба куни унга рухсат беришди, лекин иккинчи МРТ текширувидан сўнг, унда қўзғатувчи абсцесс (тери ости тўқималарининг йирингли ялиғланиши) борлиги маълум бўлди. Шунинг учун у операция учун шифохонага қайтди", - деди Жолие Порье.

Кейинчалик у операция муваффақиятли ўтганини айтди, шундан сўнг жангчининг ўзи потенциал рақибларга мурожаат қилиб, баёнот берди.

"Кимки йиқилганимда мени ҳақоратласа ва тепса, билингки, бу қўрқоқликдир. Мен ҳамма билан ҳисоблашаман", - деб ёзган америкалик операциядан кейинги фотосуратни жойлаштирган ҳолда.