14 ноя 09:09
Новости

Бокс/ММА

Дастин Порье Хабибнинг таклифини қабул қилди

UFC 281 турнири доирасидаги жангда Майкл Чендлерни муддатидан аввал мағлуб этган Дастин Порье собиқ чемпион Хабиб Нурмагомедовнинг таклифига розилик берди.

Нурмагомедов Порьега Бенил Дариушга қарши даъвогарлар жангида октагонга чиқиш таклифини берган эди.

"Бу таклифда катта маъно ва реаллик бор. Бенил бир неча "катта болалар"ни мағлубиятга учратди ва даъвогарлар жангида октагонга чиқишга лойиқ эканини исботлади. Кўрамиз, шахсан мен бу жангга розиман. Кўп нарса UFC`нинг режалари ва менинг октагонга қайтиш муддатимга боғлиқ. Такрор айтаман, бу ажойиб жанг бўлар эди", - деди Дастин UFC 281 турниридан кейинги матбуот анжуманида.

Хабиб Нурмагомедов "Бриллиант"га 11 февраль куни Австралиянинг Перт шаҳри мезбонлик қиладиган UFC 284 турнирида Дариушга қарши жанг ўтказишни таклиф этган. Ушбу карднинг асосий жангида Ислам Махачев Александр Волкановскига қарши октагонга чиқади.