19 июл 12:59
Новости

Теннис

Денис Истомин ғалаба билан бошлади

Қозоғистон пойтахти Нур-Султон шаҳрида тенннис бўйича "Челленжер" туркумига кирувчи турнир давом этмоқда.

Мукофот жамғармаси 53,120 долларни ташкил қилувчи "Nur-Sultan Challenger 80" турнирида икки ҳамюртимиз Денис Истомин ва Сергей Фомин ҳам ўз маҳоратларини намойиш этишяпти.

Қувонарлиси, ҳозир якунига етган ва 125 дақиқа давом этган учрашувда Истомин россиялик Ян Бондаревскийни уч сет натижасига кўра мағлубиятга учратди - 6/3, 3/6, 6/2 Денис баҳс давомида 10 та, Ян эса 2 та эйс зарбасини амалга оширди.

Маълумот учун, Денис Истомин АТР рейтингида 449, Ян Бондаревский эса 441-ўринни эгаллаб турибди. Ҳамюртимизнинг иккинчи даврадаги рақиби украиналик Илья Марченко бўлади. Дунёнинг 288-ракеткаси бўлиб турган Марченко биринчи босқичда рейтингнинг 900-поғонасидан жой олган қозоғистонлик Григорий Ломакиндан 6/3, 6/3 ҳисобида устун келди.