06 сен 12:21
Новости
Теннис
Денис Истомин Таиланд турнирини ғалаба билан бошлади
Шу кунларда Таиландда теннис бўйича "Челленжер" таснифига кирувчи турнир бўлиб ўтяпти.
Турнирда тажрибали теннисчимиз Денис Истомин ҳам ўз имкониятларини синовдан ўтказяпти.
Бироз аввал Истомин турнирнинг 1/16 босқичи доирасида австралиялик Дэйн Суинига қарши кортга чиқди. 1 соату 15 дақиқа давом этган учрашувда ҳамюртимиз мусобақада 7-рақам остида сараланган рақибини 6/2, 6/3 ҳисобида мағлуб этиб, 1/8 финалга йўл олди.
Таққослаш учун, айни вақтда Истомин АТР рейтингида 435, Суини эса 326-ўринни эгаллаб турибди.
Энди Истомин кейинги босқичда АТР рейтингида 367-ўринни эгаллаб турган, автралиялик Омар Ясикага қарши баҳс олиб боради. Учрашув эртага бўлиб ўтади.
Ссылка :
Источник : olamsportcom
Комментарии