11 фев 09:40
Новости

Теннис

Дэвис Кубоги. Ўзбекистон терма жамоасининг 2024 йил саралаши учун илк рақиби ва ўйин санаси маълум бўлди

Теги : Дэвис Кубоги Ўзбекистон терма жамоаси

Вакилларимиз "Дэвис Кубоги"даги юришини сентябрь ойида бошлашади.

Ўзбекистон теннис терма жамоаси "Дэвис Кубоги"нинг 2024 йилдаги мавсуми илк саралаш босқичида иштирок этади.

Биринчи жаҳон гуруҳидан ўрин олган термамизга илк учрашувда Бельгия терма жамоаси рақиблик қилади. Учрашув 15-17 сентябрь кунлари Бельгия мезбонлигида бўлиб ўтади.

Эслатиб ўтамиз, Ўзбекистон теннис терма жамоаси 3-4 февраль кунлари "Дэвис Кубоги"нинг 2023 йилги мавсуми финал босқичи учун ўтиш ўйинида АҚШ термасига мағлуб бўлган эди.