24 ноя 08:53
Новости

Теннис

Дэвис Кубоги. Янник Синнер Италияни финалга олиб чиқди

Дунёнинг биринчи ракеткаси Янник Синнер Италия терма жамоаси учун Дэвис Кубоги мусобақасида муҳим ғалабани тақдим этди.

Синнер Австралия терма жамоасига қарши кечган 1/2 финал учрашувида ATP рейтингида 9-ўринни эгаллаб турган Алекс Де Минаурни 6/3, 6/4 ҳисобида мағлубиятга учратди. Теннисчиларнинг ўзаро учрашувларидаги ҳисоб ўта йириклашиб кетди - 9:0.

Бир соату 29 дақиқа давом этган баҳсда Синнер 4, Де Минаур 5 та эйс зарбани амалга оширди. Италия эса Австралиядан 2:0 ҳисобида устун келиб, финалга йўл олди. Энди "Мовий гвардия" Дэвис Кубоги бош соврини учун Нидерландияга қарши баҳс олиб боради.