01 дек 13:36
Новости
Бокс/ММА
Дилшод Абдумуродов Осиё чемпионатида қозоғистонлик рақиби билан тўқнаш келди
Таиланднинг Чиангмай шаҳрида бокс бўйича катталар ўртасидаги Осиё чемпионатининг иккинчи кунги беллашувлари давом этмоқда.
Мусобақа доирасида ўзбекистонлик чарм-қўлқоп устаси Дилшод Абдумуродов (60 кг) нимчорак финал босқичида рингга кўтарилди. Ҳамюртимизга қозоғистонлик Бибарс Жехен рақиблик қилди.
3 раундлик жанг тўлиқ давом этди ва унда очколар ҳисобига кўра Бибарс Жехен ғалаба қозонди. Энди қозоғистонлик боксчи 5 декабрь куни чорак финал босқичи доирасида Тожикистон вакили Акмал Убаидов билан жанг қилади.
Шу тариқа, Ўзбекистон бокс терма жамоаси Осиё чемпионатидаги илк мағлубиятини қабул қилди.
Маълумот ўрнида, бу Абдумуродов ва Жехен ўртасидаги иккинчи жанг эди. 2023 йил июнь ойида Астанада (Қозоғистон) ўтказилган илк беллашувда ҳамюртимиз очколар ҳисобига кўра ғолиб бўлганди.
Ссылка :
Источник : olamsport.com
Комментарии