26 июл 12:48
Новости

Бокс/ММА

Достон Бозоров бразилиялик рақибга қарши жанг қилади

18 август куни Озарбайжоннинг Боку шаҳрида Octagon 48 мусобақаси бўлиб ўтади.

Аввалроқ, мазкур мусобақа доирасида енгил вазн тоифасида Octagon лигасининг вақтинчалик чемпионлик камари соҳиби, ҳамюртимиз Достон Бозоров (8-1) ҳам октагонга кўтарилиши ҳақида хабар берган эдик. Маълум бўлишича, Достон 18 август куни бразилиялик Тиаго Сильва (24-13) билан жанг қилади. Жанг 3 раунд этиб белгиланган.

Эслатиб ўтамиз, Бозоров охирги жангини Тошкентда ташкил этилган Оctagon 42 турнирида қозоғистонлик Жансерик Жаксигуловга қарши ўтказган ва ғалабаси эвазига Лиганинг вақтинчалик чемпионлик камарини қўлга киритган эди. Тиаго Сильва эса сўнгги бор 14 апрель куни ҳамюрти Маркос дос Сантос билан жанг қилиб, ўз ғалабасини расмийлаштирган эди.