26 янв 14:22
Новости
Бокс/ММА
Достон Бозоров кейинги жангини қачон ва қаерда ўтказиши маълум. Жанг чемпионлик камари учун бўлади!
Енгил вазн тоифасида Octagon лигасининг вақтинчалик чемпионлик камари соҳиби, ўзбекистонлик Достон Бозоров кейинги жангини қачон ўтказишини маълум қилди.
Бозоров 9 март куни октагонга қайтади. У Тошкентда ўтказиладиган Octagon лигаси мусобақаси доирасида жанг қилади.
Ҳозирча ҳамюртимизга ким рақиблик қилиши расман эълон қилинмади. Аммо, olamsport.com мухбирининг хабар беришича, жанг енгил вазн тоифасидаги асосий чемпионлик камари учун ўтказилади. Ҳозирда ушбу камар қозоғистонлик Мажит Сардаровга (6-0-0) тегишли ҳисобланади.
Эслатиб ўтамиз, Достон Бозоров (9-1-0) сўнгги жангини 2023 йил сентябрь ойида бразилиялик Верлесон Алмейдага қарши ўтказиб, нокаут билан ғалаба қозонган эди.
Ссылка :
Источник : instagram.com/dostonbozorov_official
Комментарии