Дунёнинг биринчи ракеткаси WTA Якуний турнирини ғалаба билан бошлади

Дунё рейтингида кучли саккизталикдан жой олган теннис маликалари иштирокида ўтаётган мавсумнинг Якуний турнирида гуруҳ босқичининг биринчи тур учрашувлари ўтказилди. 

Сайёрамизнинг биринчи рақамли теннис маликаси, польшалик Ига Свёнтек WTA рейтингида саккизинчи поғонадан жой олган россиялик Дарья Касаткинани ортиқча қийинчиликсиз мағлуб этди - 6/2, 6/3. 

Теннисчиларнинг ўзаро учрашувларидаги ҳисоб Свёнтек фойдасига янада йириклашди - 5:1. Саксон уч дақиқа давом этган баҳсда Касаткина ҳам, Свёнтек ҳам биттадан эйс зарбасини амалга оширишган.