03 мар 11:30
Новости
Теннис
Дунёнинг тўртинчи ракеткаси бош совринни АҚШда олиб қолди
АҚШнинг Остин шаҳрида теннис бўйича WTA 250 тоифасига кирувчи турнир якунига етди.
Мусобақа бош соврини дунёнинг тўртинчи ракетаси бўлиб турган Жессика Пегулага насиб этди. Америкалик теннисчи финал баҳсида WTA рейтингида 56-поғонада бораётган ватандоши Маккартни Кесслерни 7/5, 6/2 ҳисобида таслим этди.
Саксон тўрт дақиқа давом этган финал учрашувида иккала америкалик ҳам эйс зарбасни амалга ошира билмади. Қўшахатолар Кесслерда кўпроқ бўлди - 5 га 2. Брейклар бўйича устунлик эса табиийки, ғолиб теннисчи томонида бўлди - 6 га 3!
Маълумот учун, Остиндаги турнирнинг мукофот жамғармаси 275 000 АҚШ долларини ташкил қилди. Ўтган йили мусобақада хитойлик Юань Юэ бош совринни боши узра баланд кўтарганди.
Ссылка :
Источник : gotennis
Комментарии