15 янв 20:24
Новости

Дзюдо, Самбо

Дзюдо асосчиларидан бири Арслон Элов 75 ёшда!

Бугун Ўзбекистон дзюдоси асосчиларидан бири, собиқ Иттифоқ ҳамда Ўзбекистон Республикасида хизмат кўрсатган мураббий, дзюдо ва самбо бўйича халқаро тоифадаги спорт устаси Арслон Элов қутлуғ ёшни қарши олдилар.

Арслон Нуровични бугунги кунда ҳам кўплаб шогирдлари даврасида фаол меҳнат фаолиятларини давом эттирмоқдалар. У киши Ўзбекистон Давлат жисмоний тарбия ва спорт университетининг Халқаро кураш турлари назарияси ва услубияти кафедраси профессори бўлиб, ёшларга йиллар давомида орттирган бой тажрибаларини улашиб келяптилар.

"Маълумки, 1972 йилда Япониядан бир гуруҳ дзюдо мураббийлари Тошкентга шаҳрига ташриф буюриб, дзюдо спорт турини мамлакатимизда кенг ривожлантириш бўйича семинар ўтказиб кетишган эди. Ўшанда ушбу спорт турини кенг оммалаштириш ва ривожлантириш айнан мени зиммамга юклатилган ва мен 1972 йилдан мамлакатимиз бўйлаб кезиб, бу вазифани бажаришга киришганман. 75 ёшни қаршилаяпманки, ҳали-ҳамон кафедрада талабаларга дзюдо сирларини ўргатиб келяпман", - дейди ЎзДЖТСУ Халқаро кураш турлари назарияси ва услубияти кафедраси профессори Арслон Элов.

Сайтимиз ижодкорлари ва ўқувчилари номидан бугун таваллуд кунини нишонлаётган устоз Арслон Эловни муборакбод этамиз. Уларга узоқ умр, сиҳат-саломатлик, оилавий бахт тилаймиз.