25 мая 08:26
Новости

Дзюдо

Дзюдо бўйича навбатдаги жаҳон чемпионати мезбони маълум

Кеча БАА пойтахти Абу-Даби шаҳрида дзюдо бўйича бир ҳафта давомида ўтказилган катталар ўртасидаги ҳисоб бўйича 37-жаҳон чемпионати якунига етди.

Мусобақа доирасида Абу-Даби шаҳри келаси йилги жаҳон чемпионати мезбонлигини Венгрия давлатига топширди. Халқаро дзюдо федерацияси (IJF) президенти Мариус Визер мусобақа байроғини Венгрия дзюдо ассоциацияси президенти Ласло Тоттга тақдим этди.

Демак, катталар ўртасидаги 38-Жаҳон чемпионати 2025 йилнинг 13-20 июнь кунлари Будапешт шаҳрида бўлиб ўтади. 2022 йилги жаҳон чемпионатига Тошкент, ўтган йилги дунё биринчилигига Доҳа шаҳарлари мезбонлик қилганди.