31 янв 08:04
Новости
Дзюдо
Дзюдочиларимиз Париж "Катта Дубулға" турнирига жўнаб кетишди
1-2 февраль кунлари Франция пойтахти Париж шаҳрида "Катта Дубулға" туркумига кирувчи янги мавсумнинг илк мусобақаси ўтказилади.
Мукофот жамғармаси 154 000 еврони ташкил этувчи ушбу турнирда сайёрамизнинг 4 қитъаси 53 давлатидан жами 309 (172 эркак, 137 аёл) нафар дзюдочи медаллар учун татамига чиқади. Сўнгги Олимпиада манзили татамиларида Баҳром Ботуров (-60 кг), Шаҳрам Аҳадов (-73 кг) ва Ўткирбек Тўрабоев (+100 кг) медаллар учун баҳс олиб боради.
Мураббийлар штаби қарорига кўра, йилнинг илк "Катта Дубулға" турнирида уч нафар дзюдочимиз ўз маҳоратини намойиш этади. Терма жамоамиз аъзолари мураббий Искандар Расулов бошчилигида Париж шаҳрига жўнаб кетишди.
Францияга йўл олган таркиб:
-60 кг: Баҳром Ботуров
-73 кг: Шаҳрам Аҳадов
+100 кг: Ўткирбек Тўрабоев
Мураббий - Искандар Расулов
Шифокор - Санжар Усманалиев
Ссылка :
Источник : olamsport.com
Комментарии