Эдди Хирн Наоя Иноуэни камардан маҳрум қилишга чақирди

Британиялик промоутернинг сўзларига қараганда, иккинчи енгил вазн (55,3 кг) тоифасида мутлақ жаҳон чемпиони бўлиб турган Наоя Иноуэ WBA камари учун мажбурий даъвогар Муроджон Аҳмадалиевга қарши жанг ўтказишдан очиқчасига қочмоқда.

"Наоя Иноуэ Муроджон Аҳмадалиевдан қочяпти. Уни бир эмас, икки маротаба Муроджондан камарини ҳимоя қилишга чақиришди. Лекин у ҳар икки сафар ҳам жангдан очиқчасига қочди ва бунинг ўрнига атйин қилгандек, Дохени ҳамда Кимга қарши рингга кўтарилди. WBA Иноуэга ортиқча қочмаслик ва камарини Аҳмадалиевдан ҳимоя қилиш бўйича сўнгги огоҳлантиришни бериши шарт. Кутинг, тез орада Наоя Иноуэнинг ўзи камардан воз кечади", — дея Хирннинг сўзларини келтирмоқда talkSPORT.