22 июл 06:19
Новости

ЕКЛ. "Тобол" "Линкольн"ни мағлуб этди, Сергеев 64-дақиқа ўйнади

Европа Конференциялар лигасининг 2-саралаш босқичидан ўрин олган "Тобол" — "Линкольн Ред Импс" учрашувида мезбонлар ғалаба қозонишди.

Қозоғистонда ўтган дастлабки учрашувда мезбонлар Айбар Жаксиликов ва Зарко Томасевларнинг киритган тўплари эвазига ғалаба қозонишди. "Тобол" сафида ўзбекистонлик ҳужумчи Игорь Сергеев асосий таркибда майдонга тушди ва 64-дақиқада алмаштирилди.

Жавоб учрашуви 26 июль куни Гибралтарда бўлиб ўтади. Икки ўйин натижасига кўра қўли баланд келган жамоа кейинги босқичда "Тирана" (Албания) / "Зриньски" (Босния ва Герцеговина) жуфтлиги ғолибига қарши баҳс олиб боради.