06 апр 18:18
Новости

Теннис

Элина Свитолина учун яна икки турнирга wild card тақдим этишди

Деярли икки йиллик танаффусдан сўнг кортга қайтган Элина Свитолинага асосий тўрда тўғридан-тўғри қатнашиш ҳуқукини берувчи имтиёзли йўлланма берилди.

Аниқроғи, ITF ташкилоти украиналик теннис маликасига Швейцариянинг Кьяссо ҳамда Португалиянинг Оэйраш шаҳарларида ўтказилувчи турнирларга wild card тақдим этган. Иккала турнир ҳам апрель ойида ўтказилади. Кьяссодаги турнир 10-16 апрель кунларига белгиланган.

Эслатиб ўтамиз, ўтган йили фарзандли бўлган Элина Свитолина айни пайтда давом этаётган Чарльстондаги WTA 500 турнирида иштирок этган эди.