04 янв 15:41
Новости

Теннис

Эмма Радукану Australian Open асосий тўридан жой олди

Дунёнинг 301-ракеткаси бўлиб турган Эмма Радукану тўғридан-тўғри йилнинг илк "Катта Дубулға" турнири - Australian Open асосий тўрида қатнашадиган бўлди.

Бу ҳолат америкалик Лорен Дэвиснинг жароҳати сабаб мусобақада иштирок эта олмаслиги маълум бўлганидан кейин рўй берди. Британиялик теннисчининг ўзи ҳам шу ҳафтада фаолиятини қайта тиклади. У қўлидаги жарроҳлик амалиётидан сўнг узоқ муддат кортдан ташқарида қолаётганди.

US Open-2021 ғолибаси Янги Зеландиянинг Окленд шаҳрида ўтказилаётган турнирда иштирок этяпти. Эмма илк даврада руминиялик Елена Габриэла Рузени мағлубиятга учратган. Эртага у иккинчи босқичда украиналик Элина Свитолинага қарши кортга чиқади.