14 окт 11:08
Новости

Легкая атлетика

Енгил атлетика. Ёшларимиздан Осиё чемпионатидаги муваффақиятли старт

Қувайтда 18 ёшгача бўлган спортчилар ўртасида енгил атлетика бўйича Осиё чемпионати старт олди.

Мусобақанинг биринчи кун баҳсларидаёқ Ўзбекистон терма жамоаси олтин медалга сазовор бўлди.

Дастлабки медални уч ҳатлаб сакраш бўйича ёшлар ўртасидаги жаҳон чемпиони Шарифа Давронова келтирди. Аҳамиятлиси, у чемпионликни бу гал узунликка сакраш секторида тантана қилди. Ҳамюртимиз мазкур дастурни шахсий рекордини янгилаб, 6,06 метр натижа билан якунлади. Ушбу йўналишда иштирок этган бошқа бир атлетимиз Хушноза Шавкатова 5,78 метр билан тўртинчи ўриндан жой олди.

Олтин: Шарифа Давронова (Ўзбекистон) – 6,06 метр

Кумуш: Моҳам Мубсина (Ҳиндистон) – 5,91

Бронза: Жиа Йин (Гонконг) – 5,81

4-ўрин: Хушноза Шавкатова (Ўзбекистон) – 5,78

Ссылка :

Источник : МОҚ матбуот хизмати

Рейтинг: