09 июл 10:53
Новости

Бокс/ММА

"Енгил пуллар". Адесанья ва Дю Плесси стердауни + ФОТО

Хабарингиз бор, бироз аввал АҚШнинг Лас-Вегас шаҳрида навбатдаги рақамланган UFC турнири якунига етди.

UFC 290 турнирининг асосий кардида австралиялик Роберт Уиттакер Жанубий Африка Республикаси вакили Дрикус Дю Плессига қарши октагонга чиқди. Даъвогарлар жангининг иккинчи раундида Дю Плесси рақибини нокаутга учратди.

Жанг якунланганидан сўнг октагонга ўрта вазн (84 кг.гача) тоифасида амалдаги UFC чемпиони, Янги Зеландия вакили Исраэль Адесанья чиқиб келди ва ғолиб Дю Плесси билан стердаун уюштирди.

Кичик кўз уриштириш маросимидан сўнг Дрикус Исраэлга: "мен африкаликман, лекин мен сенга ука эмасман. Чунки, сен Янги Зеландиядансан" деди. Адесаньянинг жавоби жуда қисқа бўлди: "осон пуллар.

Таъкидлаш жоиз, Дю Плесси кейинги жангини айнан Исраэль Адесаньяга қарши ўтказади.