19 авг 17:32
Новости

Бокс/ММА

Енгилмас Итаума Усикка "вызов" ташлади

Британиялик 20 ёшли Мозес Итаума шанба оқшомида тажрибали ватандоши, собиқ вақтинчалик WBC чемпиони 37 ёшли Диллиан Уайтни биринчи раунддаёқ нокаутга учратиб, WBO Inter-Continental ва WBA International камарларини қўлга киритганди.

Итаума ушбу муваффақиятли иштирокидан кейин дивизионнинг мутлақ чемпиони украиналик Александр Усикка қарши жанг қилиш истагини билдирди.

"Навбатдаги қадам? Тўғрисини айтсам, кимни рўпарамга қўйишса, ўша билан жанг қилишга тайёрман. Ростгўйликни охиригача давом эттирадиган бўлсам, Жозеф Паркер ва Агит Кабайел чиндан ҳам Александр Усик билан жанг қилишга ҳақлилар. Лекин мен ҳам ўз имкониятимдан фойдаланиб кўрган бўлардим. Усикни менга рақиб сифатида беринг!", — дея Итауманинг сўзларини келтиради Sky Sports нашри.