27 июн 10:58
Новости

Бокс/ММА

Энтони Жошуа бугунги спорт формасини намойиш этди + ФОТО

Супероғир вазн тоифасида собиқ жаҳон чемпиони Энтони Жошуа (25-3, 22 KO) машғулотларни давом эттирмоқда.

Британиялик боксчининг ҳали навбатдаги рақиби ва жанг санаси аниқланмаган бўлса-да, ўз спорт формасини юқори даражада ушлаб туришга эътиборини қаратяпти.

Ҳозирда Жошуанинг жамоаси бошқа бир британиялик боксчи Диллиан Уайт (29-1, 22 KO) билан музокара олиб бормоқда. Боксчиларнинг илк жанги 2015 йилнинг декабрь ойида бўлиб ўтган ва ўшанда Энтони ҳамюртини еттинчи раундда техник нокаут эвазига мағлубиятга учратган эди.

Жошуа ўзининг сўнгги жангида америкалик Жермейн Франклиндан устун келганди. Ундан олдин эса WBA Super, IBF ва WBO йўналишлари чемпиони, украиналик Александр Усикка ютқазиб қўйганди.