26 янв 08:57
Новости

Эрлинг Холланд Ҳусанов ҳақида илиқ фикр билдирди

Кеча оқшом терма жамоамиз ҳимоячиси Абдуқодир Ҳусанов "Манчестер Сити" сафида Англия Премьер лигасида дебют қилган илк ўзбек футболчисига айланди.

Ўйинни асосий таркибда бошлаган 20 ёшли ҳимоячимиз 54-дақиқада захирага олинди. Биринчи гол айнан унинг хатосидан кейин "Ман Сити" дарвозасига киритилганди. Якунда "шаҳарликлар" "Челси"ни 3:1 ҳисобида мағлубиятга учратишди. Иккинчи гол муаллифи Эрлинг Холанд ўйиндан кейин Абдуқодирни қўллаб-қувватлади.

"Ҳусанов - яхши марказий ҳимоячи. Бу унинг илк учрашуви эди. Асабийлик, ҳаяжон - бундай вазиятларда нормал ҳолат. Мен ўзимнинг илк ўйинимни эслайман. Ўшанда Англия Суперкубоги доирасида "Ливерпуль"га қарши майдонга тушгандим. Унга яна иккита ўйин беринг ва Абдуқодирнинг нималарга қодир эканини кўрсасиз", - деди "Манчестер Сити" етакчиси, АПЛ тўпурарларидан бири, кечаги иккинчи гол муаллифи, учинчи гол ассисти Эрлинг Холланд.