14 июн 14:43
Новости

Эшитдик-да! ЦСКА клубида ўзбекистонлик мураббий иш бошлашга яқин

Хорижда мураббийларимизнинг бўлиши қувонарли ҳол.

"Локомотив", "Олимпик" жамоаларидаги фаолияти билан танилган ўзбекистонлик мураббий Денис Коростиченко Москванинг ЦСКА клуби ёшлар жамоаси мураббийлар штабида иш бошлашга яқин. Маълумот учун, бу жамоани асли ўзбекистонлик ҳисобланган Дмитрий Игдисамов бошқармоқда.

Коростиченко жорий йил бошида "Бунёдкор-Фарм" бош мураббийи этиб тайинланган эди. Унинг қўл остида "қалдирғочлар" Биринчи лигада 7 та ўйинда 3 ғалаба, 4 дуранг, 13 очко билан марказий минтақада пешқадам бўлиб турганди.