30 июл 14:41
Новости

Шахматы

Esports World Cup Chess. Абдусатторов Магнус Карслен, Синдаров Ҳикару Накамурага қарши ўйнади

Саудия Арабистони пойтахти Ар-Риёд шаҳрида шахмат бўйича мукофот жамғармаси 1 миллион 550 минг АҚШ долларини ташкил қилувчи нуфузли Esports World Cup Chess турнири бошланди.

Esports World Cup Chess турнирининг асосий иштирокчилари сафига саралаш баҳслари орқали қўшилган Жавоҳир Синдаров гуруҳнинг илк босқич учрашувида америкалик Ҳикару Накамурага қарши дона сурди. Ҳам қора, ҳам оқ доналарда ғалаба қозонган Накамура "ғолиблар" йўлида кейинги даврага чиқди. Синдаров эса энди "мағлублар" йўналишида плей-офф йўлланмаси учун курашни давом эттиради.

Тўғридан-тўғри асосий турнирда қатнашаётган Нодирбек Абдусатторов илк турдаёқ жаҳон тождори, норвегиялик Магнус Карлсен билан ўйнади ва афсуски, 1,5:0,5 ҳисобида имкониятни бой берди. Нодирбек ҳам энди худди Жавоҳир сингари "мағлублар" сеткасида ўз омадини синаб кўради.