10 апр 14:51
Новости

Теннис

Estoril Open. Каспер Рууд фаолиятидаги 10-совринини қўлга киритди

Португалиянинг Эшторил шаҳрида ўтказилган ATP турнири норвегиялик Каспер Рууднинг чемпионлиги билан якунланди.

Бугун дунёнинг тўртинчи ракеткасига айланган Каспер ҳал қилувчи финал учрашувида рейтингнинг 40-поғонасида борган сербиялик Миомир Кечмановични мағлубиятга учратди - 6/2, 7/6(3).

Теннисчиларнинг ўзаро учрашувларидаги ҳисоб мувозанати тикланди - 2:2. Бир юз саккиз дақиқа давом этган баҳсда Рууд 3, Кечманович 1 та эйс зарбани амалга оширган.

Шу тариқа, норвегиялик теннисчи мавсумдаги биринчи, фаолиятидаги 10-совринини қўлга киритди. Millennium Estoril Open турниридаги муваффақиятли иштирок Руудга 250 рейтинг очкоси ҳамда 85,605 евро мукофот пули келтирди.