Етти нафар боксчимиз финалда, икки нафарида эса бронза! Жаҳон чемпионатининг ярим финал жанглари якунланди

Кун давомида 9 нафар боксчимиз финал йўлида рингга кўтарилди:

Кундузги дастурда:

1. -54 кг: Ойбек Жўраев - Дмитрий Двали (Россия), (Ҳакамлар қарори билан, 5:2)

2. -67 кг: Асадхўжа Мўйдинхўжаев - Мишеелт Баттумур (Мўғулистон), (Ҳакамларнинг якдил қарори билан, 5:0) 

3. -75 кг: Аълохон Абдуллаев - Вандерлей Перейра (Бразилия), (Ҳакамлар қарори билан, 1:4)

4. -92 кг Лазизбек Мулложонов - Муслим Гажимагомедов (Россия), (Ҳакамлар қарори билан, 1:4).

Кечги дастурда:

5. -51 кг: Ҳасанбой Дўсматов - Мартин Молина (Испания), (Ҳакамларнинг якдил қарори билан, 5:0) 

6. -57 кг: Абдумалик Халoков - Мунарбек Сеитбек Уулу (Қирғизистон), (1-раунд, КО-ТКО) 

7. -63,5 кг: Руслан Абдуллаев - Хованец Бачков (Арманистон), (Ҳакамларнинг якдил қарори билан, 5:0)

8. -71 кг: Саиджамшид Жафаров - Вандерсон Де-Оливейра (Бразилия), (Ҳакамлар қарори билан, 4:1)

9. +92 кг: Баҳодир Жалолов - Аюб Гадфа Дрисси (Испания), (Рақиб жароҳат сабаб рингга чиқмади).

Шундай қилиб, тўққиз нафар боксчимиздан етти нафари финалга йўл олди, икки нафари эса бронза билан чекланди. Эртага эса чемпионатнинг финал жанглари старт олади. Olamsport.com сайтини кузатишда давом этинг!

МАТНЛИ ТРАНСЛЯЦИЯ

20:50. Жаҳон чемпионатининг бугунги куни ҳам ўз якунига етди. Бугунги кун доирасида турнирнинг ярим финал баҳслари бўлиб ўтди, унда етти нафар вакилимиз ғалаба қозониб, финалга йўл олган бўлса, икки нафари бронза билан чекланадиган бўлди. Эртага мусобақанинг илк финал жанглари старт олади.

19:55. Саиджамшид Жафаров 4:1 ҳисобида бразилиялик рақибини мағлубиятга учратди ва жаҳон чемпионатининг финалига йўл олди. Бу ўзбек боксчилари орасидаги еттинчи финал йўлланмаси бўлди.

19:49. Иккинчи раундд Саиджамшид Жафаров ҳисобни 5:0 кўринишига келтирди, умумий ҳисоб эса 3:0 кўринишида.

19:44. Саиджамшид иштирокидаги жангнинг илк раунди якунланди. Ҳисоб 3:2, "Жимми" фойдасига)

19:25. Яна битта жангдан сўнг Саиджамшид Жафаров рингга кўтарилади.




19:01. Руслан Абдуллаев Ованнес Бачковни 5:0 ҳисобида мағлуб этиб, финалга йўл олди ва бу сенсация эмаслигини исботлади!

18:55. Жангнинг иккинчи раундида ҳам ҳисоб ўзгармади, бундан ташқари, Руслан ушбу раундда Бачковни нокдаун ҳолатига ҳам тушириб қўйди. Ажойиб)

18:52. Биринчи раунддан сўнг ҳисоб 5:0, Руслан олдинда.

Руслан Абдуллаев жанги бошланмоқда.





18:42. Нима бўлганини ҳам тушунмай қолган лаҳзамда Абдумалик Халоков рақибини муддатидан олдин енгиб қўя қолди. Бизда жаҳон чемпионатининг бешинчи финал йўлланмаси, азизлар!

18:34. Навбат Абдумаликка!




18:33. Ҳасанбой Дўсматов испаниялик рақибини 5:0 ҳисобида мағлуб этиб, финалга йўл олди. У тўртинчи финалчимиз.

18:28. Иккинчи раундда ҳам ҳисоб ўзгармади.

18:24. Илк раунддан сўнг ҳисоб 5:0, Ҳасанбой томонга.

18:18. Ҳасанбой Дўсматов жанги бошланмоқда.

18:13. Яна бир неча дақиқалардан кейин Ҳасанбой Дўсматов, ундан кейин эса Абдумалик Халоков иштирокидаги жанг бошланади.

17:40. Кундузги дастур жанглари якунланди, 20 дақиқалик танаффус эълон қилинди аренада.




17:28. Афсуски, бизда иккинчи бронза! Лазизбек Мулложонов учинчи раундни фаол ўтказган бўлса-да, бу фаоллик умумий ҳисобга таъсир қилмади. Нима бўлганда ҳам, Лазизбекни бронза медали билан табриклаймиз!

17:23. Жангнинг иккинчи раундидан сўнг ҳам ҳисоб ўзгармади.

17:18. Илк раунд якунланди, Гажимагомедовнинг кичик устунлигида ўтган раундда ҳисоб ҳам шунга яраша бўлди, 2:3, ортдамиз!

17:15. Жанг бошланди.

17:06. Яна бир неча дақиқалардан сўнг Лазизбек Мулложонов россиялик Муслим Гажимагомедовга қарши рингга кўтарилади.




16:20. Аълохон Абдуллаев тўлиқ давом этган жангда бразилиялик Вандерлей Перейрага 1:4 ҳисобида имкониятни бой берди. 19 ёшли ҳамюртимиз ўзи учун илк жаҳон чемпионатида бронза медали ҳамда 50 000 $ мукофот пули ҳамда энг асосийси — мухлислар меҳрини қўлга киритди. Ҳамюртимизни бу билан табриклаган ҳолда кейинги фаолиятига омад тилаймиз!

16:14. Жангнинг иккинчи раундида ҳисоб бу сафар Перейра томонга ўтди, умумий ҳисоб 1:1.

16:10. Аълохон Абдуллаев иштирокидаги жангнинг илк раунди якунланди. Яшхи раунд ўтказди вакилимиз, нисбатан кўп зарба бизда бўлди, ҳисоб 3:2, Абдуллаев олдинда.

Навбат Аълохонга!




16:04. Жанг якунланди, Асадхўжа Мўйдинхўжаев ЖЧ ярим финалида мўғулистонлик Мишеелт Баттумирни 5:0 ҳисобида мағлубиятга учратди.

15:57. Иккинчи раунд ҳам ортда қолди, 5:0 ҳисоби ўзгармади.

15:53. Биринчи раунд якунланди, Асадхўжа ўзига ишонган ҳолда чиройли жанг қилмоқда. Ҳисоб 5:0, Мўйдинхўжаев фойдасига.

15:48. Асадхўжа Мўйдинхўжаевнинг Мишеелт Баттумурга қарши жанги бошланмоқда.

15:33. Яна битта жангдан сўнг Асадхўжа Мўйдинхўжаев, ундан кейин эса Аълохон Абдуллаев рингга кўтарилади.

15:30. Чорак финалда Мужибиллони мусобақадан чиқариб юборган россиялик Всеволод Шумков ярим финал жангида франциялик Софиян Омияга мағлуб бўлди.




14:54. Ойбек Жўраев россиялик Дмитри Двалини 5:2 ҳисобида мағлубиятга учратиб, финалга йўл олди. Кун ажойиб бошланди.

14:47. Жангнинг иккинчи раунди ҳам ўз ниҳоясига етди. Бу раундни Ойбек 3:2 ҳисобида ўзиники қилди.

14:43. Илк раунд якунланди ва унда 4:1 ҳисобида Ойбек устун келди!

14:35. Навбат Ойбекка!

14:34. Кун доирасидаги иккинчи жангда яна бир қозоғистонлик боксчи - Махмуд Сабирхан (-54 кг) кубалик Сото Вейтияни 5:0 ҳисобида мағлуб этди, Ойбек ўз жангида ғалаба қозонган тақдирда Сабирхан билан тўқнаш келади.

14:18. Илк жангда қозоғистонлик Санжар Ташкенбай (-48 кг) россиялик Эдмонд Худоянни 5:0 ҳисобида мағлубиятга учратган ҳолда финалга йўл олди!

14:04. Бугунги кундан ўрин олган жангларга старт берилди.





14:00. Ассалому алайкум, қадрли бокс мухлислари. Бугун Тошкентда давом этаётган бокс бўйича жаҳон чемпионатининг ярим финал жанглари бўлиб ўтади. Айни дамда кундузги дастурдан ўрин олган жангларга старт берилган. Тахминан 45 дақиқадан сўнг Ойбек Жўраев финал йўлида россиялик рақибига қарши рингга чиқади.