27 сен 10:48
Новости

Фабио Каннаваро ҳам Ўзбекистонга "йўқ" деди

Жаҳон чемпиони Фабио Каннаваро Ўзбекистон терма жамоаcига мураббийлик қилиш имкониятидан воз кечди, дея хабар беради вазиятдан хабардор манба.

Маълумотларга кўра, Каннаваро жорий мавсумда ҳозирги мураббийлардан бири ишдан бўшатилса, Италия клубидан иш топишга умид қилмоқда.

Фабио Каннаваро футболдаги фаолиятини якунлагач, Яқин Шарқ ва Хитой клубларини бошқарган. 2019 йилда у Хитой терма жамоаси бош мураббийи этиб тайинланган. 2022 йилдан 2023 йилгача Каннаваро Италиянинг "Беневенто" клуби бош мураббийи бўлган. 2024 йилнинг апрелида у "Удинезе" (Италия) клубини қабул қилиб олди. Ўша йилнинг декабрь ойида Каннаваро Хорватиянинг "Динамо Загреб" клубини бошқарган.